Traballo optativo Idade Media

Definir conceptos históricos

As fases da historia

A historia da Terra en 24 horas.

Trabagoogle

O mesmo ano que naceu o autor de Pepita Jiménez faleceu nun país mediterráneo un dos máis grandes referentes literarios dun movemento artístico do século XIX; o seu país de orixe gañou unha copa do Mundo de fútbol contra un rival en cuxa capital está unha das obras escultóricas máis famosas da arte das primeiras civilizacións

A que obra nos estamos referindo?

A revolución industrial

Máquina de vapor (CC BY-SA Nicolás Pérez)

· No seguinte vídeo podes ver unha explicación da primeira fase da revolución industrial


· Aquí podes acceder a un cuestionario sobre o vídeo.

Liña de tempo 2º ESO

Aquí está a liña de tempo que estamos facendo en 2º de ESO

Roma

Para estes últimos días, unha presentación sobre Roma:

Roma antiga on Prezi

E un paseo por Pompeya.

Un pouco máis alá do deporte.

En consonancia con certo escapismo dos alumnos das TIC cara a páxinas de diarios deportivos, e atendendo á proposta de don Y.D.C sobre que a única historia que se debería estudar é a do Real Madrid planteemos un traballo utilizando como fontes páxinas relacionadas co deporte en base aos seguintes puntos.

1.- O traballo será sobre algún feito histórico - cultural relacionado co deporte. Podes ver unha mostra dese tipo de feitos no artigo adicado aquí a Johann Trollmann.
2.- As fontes de información sinálanse a continuación, e deben empregarse para buscar esa faceta histórico-cultural relacionada co deporte. Serán a base do traballo, pero non se pode usar o cortaepega.

•  http://historiasdeportivas.wordpress.com/
•  http://www.marca.com/reportajes/2011/12/el_poder_del_balon/
•  http://quefuede.blogia.com/
• http://www.eldeporteeshistoria.com.ar/index.php

3.- Consultada a información elaborarase, en gdocs, un documento que levará un título orixinal (feito por vós e empregando este xenerador de portadas) dúas imaxes (obrigatoriamente baixo licenza CC), links e unha referencia xeográfica (gmaps ou similar).

4.- A estrutura do documento será a de artigo xornalístico, para o que se pode consultar este artigo da wikipedia sobre os elementos básicos da narración xornalística.

5.- Rematado o artigo procederase á súa publicación en issuu como paso previo á publicación nos blogs.

Os gatos en Exipto.

CC-BY-SA G. Blanchard

 

A través deste post do interesante blog Siglos curiosos podes ler cousas moi interesantes sobre a veneración dos gatos no antigo Exipto.

David Livingstone

Un dos exploradores que saíu no reto xeográfico é David Livingstone. En numerosas ocasións os exploradores europeos caracterizábanse por unha mentalidade colonial que lles facía verse como superiores aos nativos das zonas que eran obxecto do seu estudo. Non foi este o caso do escocés David Livingstone, do que podemos escoitar neste link como foi tratado polos africanos despois da súa morte. É un audio da imprescindible xornalista Nieves Concostrina.

Imaxe baixo licenza CC-BY-NC-ND de Graeme Bird

Esquemas historia de España

No máis que recomendable blog de Daniel Gómez Valle poder ver unha serie de esquemas relacionados coa historia de España que che poden facilitar o estudo da materia.

Gmap sobre a guerra civil

Aínda que xa non esteamos nese tema, deixo un mapa que ubica os lugares destacados da guerra civil, obra de Fernando.

Ver LUGARES EMBLEMÁTICOS DE LA GUERRA CIVIL en un mapa más grande

Johann Trollmann.

Normalmente non personalizamos a Historia nas historias en minúscula da xente, o tempo das clases non da para tanto; moitos temas e poucas horas semanais...
Por iso hoxe non me resisto a recomendarvos que leades este post que leva por tema a vida de Johann Trollmann, un boxeador.
¿Que pinta un boxeador na Historia? Pois que a súa historia é a de ser un boxeador xitano na Alemaña nazi.
 A súa historia, tráxica e auténtica metáfora explicativa da barbarie totalitaria, parece a dunha película.
Non perdas a posibilidade de facer clic no enlaceanterior o antes posible.

Aquí podes ver un anaco da rúa que hoxe está adicada a Trollmann en Hannover, a súa cidade natal.

Ver mapa más grande

América

Via o diario dixital La información atopamos este vídeo que presenta unha exposición que está tendo lugar en Madrid ata o vindeiro mes sobre a historia contemporánea de América Latina a través da reinterpretación dos seus iconos máis recoñecibles.

Glog sobre Isabel II

Aquí podes atopar un interesante glog sobre o reinado de Isabel II, obra de Xosé Antón. Moi recomendable, tanto o mural como todo o blog.

Hipérbole

 Falabamos hai pouco da mirada de Goya sobre a historia de España. Hoxe toca contemplar como o mundo da arte está moito más próximo a nós do que pensamos. A da imaxe é a portada do diario marca, o máis vendido do país, que retoca Os fusilamentos da Moncloa para presentar a un entrenador de fútbol coma un mártir.
Con independencia da maior ou menor pericia do que usou o photoshop (agardemos que non o chamen do Prado para actualizar o cadro orixinal), chama a atención o carácter desmesurado e grotesco que posúe hoxe en día o fútbol neste país.

A mirada de Goya.

Falabamos del na clase estes días. Goya, pintor maxistral, rexistra con grande nitidez moitos aspectos da historia de España que lle tocou vivir. Deixo aquí unha presentación con imaxes das súas obras, e anímovos a que presentedes unha pequena análise sobre as mesmas enviándoa ao correo electrónico.

Goya

View more presentations from ranoch.

Historia circular.

Leccións da historia en boca de Fernando Fernán - Gómez, xenial actor nunha entrevista que se revela punzantemente profética:

Para estes días de exames...

Un curioso despertador. Sorte a todos/as nestes días de exames e máis exames.

Outro descubrimento de América.

Para a longa fin de semana que nos espera, unha visión algo distinta do descubrimento de América.