Os simpsons e a materia de Xeografía de 3º de ESO.

Vía esquizopedia unha das introducións aos capítulos dos Simpsons. O guión é obra do artista Banksy e isnpírase no feito de que gran parte do traballo que leva facer a serie está externalizada a unha empresa surcoreana.
Bota unha ollada ao vídeo e lembra con que cousas das vistas este ano se podería relacionar.

Climatoloxía

Un enlace de utilidade para repasar e ampliar os contidos relacionados co tema dos climas que tanto nos deu que facer nas últimas semanas... (feito no IES Neira Vilas).

Cadros versionados.

Aproveitando que hoxe é venres deixo un vídeo para achegarnos a algúns cadros míticos da Historia da Arte da man do grupo Hold your horses!

Gmap sobre a guerra civil

Aínda que xa non esteamos nese tema, deixo un mapa que ubica os lugares destacados da guerra civil, obra de Fernando.

Ver LUGARES EMBLEMÁTICOS DE LA GUERRA CIVIL en un mapa más grande

Outra vez Goya.

Volve Goya a este blog, como hai semanas podemos ver unha actualización da súa obra. Neste caso trátase de O coloso, pertencente ás pinturas negras e cuxa autoría está hoxe en discusión.
Como vemos, neste caso o coloso alude ao pánico xerado estes días arredor da central nuclear xaponesa de Fukushima.

Fonte da imaxe (El País; Ramón)

Johann Trollmann.

Normalmente non personalizamos a Historia nas historias en minúscula da xente, o tempo das clases non da para tanto; moitos temas e poucas horas semanais...
Por iso hoxe non me resisto a recomendarvos que leades este post que leva por tema a vida de Johann Trollmann, un boxeador.
¿Que pinta un boxeador na Historia? Pois que a súa historia é a de ser un boxeador xitano na Alemaña nazi.
 A súa historia, tráxica e auténtica metáfora explicativa da barbarie totalitaria, parece a dunha película.
Non perdas a posibilidade de facer clic no enlaceanterior o antes posible.

Aquí podes ver un anaco da rúa que hoxe está adicada a Trollmann en Hannover, a súa cidade natal.

Ver mapa más grande

O terremoto de Xapón.

 Hoxe é noticia o devastador terremoto que tivo lugar en Xapón.
Sempre que se fala dun terremoto, alúdese á escala de Richter (o de hoxe acadou os 8,9 graos). Podes acceder a unha breve e interesante explicación aquí. 

Ademais, nesta páxina da Junta de Andalucía podes ver máis información. Vale a pena botarlle unha ollada, o mesmo que esta explicación arredor do fenómeno dos tsunamis.

(imaxe de portada baixo licencia cc de Azfar Arif)

Algo se move.

Este inicio de 2011 pasará á historia pola onda de cambio que percorre a costa que temos ao sur, tan preto e tan lonxe.
Podes ver un interesante gráfico aquí (diario lainformación).

Outra visión do mundo.

Fogonazos recolle un interesante video feito a partir de imaxes de satélite no que se amosa a localización dos incendios na pasada década. Vale a pena botarlle unha ollada.

Neste outro pódese apreciar a pegada da actividade humana sobre diversos medios naturais (é sobrecolledor o adicado ao mar de Aral). Non lembro quen dixo unha vez que as peores feridas son as que deixa a mala política sobre a paisaxe.

Para solucionar problemas coa barra de mr wong

Vai a este enlace.