martes, 2 de outubro de 2012

Eric Hobsbawm

CC-BY-NC-SA vivlioteca

Onte faleceu aos 95 anos o historiador británico E. Hobsbawm.

Fragmento da conferencia no Word Political Forum (Nov 09)

O "século breve," ou XX, foi un período marcado por un conflito relixioso entre ideoloxías laicas. Por razóns máis históricas ca lóxicas, foi dominado pola contraposición dos dous modelos económicos: o "Socialismo," identificado con economías centralmente planificadas de tipo soviético, e o "Capitalismo," que cubría todo o resto.

Esta contraposición, aparentemente fundamental, entre un sistema que quere quitar do medio as empresas privadas interesadas nos beneficios (o mercado, por exemplo) e un que pretendía liberar o mercado de toda restricción oficial ou doutro tipo, nunca foi realista. Todas as economías modernas deben combinar público e privado de varios modos e en varios graos, e de feito iso fan. Ambas tentativas de vivir á altura desa lóxica totalmente binaria, desas definicións de "capitalismo" e "socialismo" fallaron. As economías de tipo soviético e as organizacións e xestións estatais non sobreviviron aos anos 80. O "fundamentalismo de mercado" anglo-norteamericano crebou en 2008, no momento do seu apoxeo (...)


Artigo completo aquí.

Tarefa optativa de investigación: ¿por que Hobsbawm fala de "século breve" para aludir ao século XX?

2 comentarios:

  1. Hobsbawm fálanos de "século breve" referíndose ao período comprendido entre o comezo da Primeira Guerra Mundial (1914) e o derrubamento da Unión Soviética (1991). Neste período tiveron lugar feitos que afectaron e definiron a historia europea e mundial.
    Este autor di no seu libro que o século XIX alárgase ata 1914 e, por conseguinte, o século XX comeza anticipadamente e remata antes do que debería, por iso lle da o nome de "século breve". Para el, o tempo histórico non é o mesmo que o tempo cronolóxico.

    Andrea Rubio

    ResponderEliminar